Berre ein tanke

I dag møter

eg opp i

slaraffenland

sit der og

tenkjer ingenting

berre dei enklaste

og mest sjølvsagte

tankane når fram.

Kvifor skal me ikkje

stola på kvarandre

ha tillit til

kvarandre

slik det alltid

har vore

for å overleva

i dette karrige

landet.

No lærer me

alle stader

på skulen

og i arbeidet

at alt du gjer

skal målast og

kontrollerast.

Me stolar ikkje

på kvarandre.

Dette lærer me

kvar dag

og lagar eit

kaldare samfunn

utan tillit.

Denne enkle tanken

tenkte eg i dag

i slaraffenland. 

(ABM 19.01.2014)