Første juledag 2013

No stilnar stormen

sjøen går enno kvit

og bølgjene kastar

seg mot strendene

Skyene hastar og

strekkjer seg over

himmelen

grå, lilla og

gylne i kantane

Stormen var heilt

halabarisk

ordet dukkar

berre opp inni meg.

eg må ha høyrt

det før

ein halabarisk storm

me møter ord

heile livet

me forstår og

ikkje forstår

orda formar oss

og fortel kven me er

alle møter sine ord

eg møter mine

du møter dine

og andre møter

heilt andre ord

me tenkjer ulikt

og me kan ikkje

hjelpa for det

men likevel kastar

me bomber og granatar

på kvarandre

når det høver slik.

(ABM 25.12.2013)