Det uutgrunnelege

Frå det indre

i meg sjølv

er det ei verd

eg ikkje kjenner

den uutgrunnelege

verda

der gøymer eg

det eg ikkje

skjønar

I dikta mine

dukkar ord

fram att frå den

uutgrunnelege

verda

Då kan eg

tenkja litt på dei

I dag skjønar

eg ikkje

sjølvmordsbombaren

i Volgograd

eller Simeon

den heilage som

sat på den høge

søyla si i 30 år

Eg lurer av og til

på om det er

noko frå det

indre av dei sjølve

som styrer

handlingane deira

Nei, no får eg

stengja den

uutgrunnelege

verda mi

for no vart

eg redd

(ABM 30.12.2013)