9.april

Eg har hatt trøbbel med datamaskina nokre dagar så no må eg leggja inn dikta frå 9.april til 15.april.

9.april 

Ein dag mellom mange.

Men også spesiell.

Av og til tenkjer eg:

Kor mange var

det som eigentleg

ville angripa Noreg.

Kor mange var

det eigentleg som hadde

lyst til å starta

2. verdskrigen.

Du som var mor

hadde du lyst

du som var far

du som var skuleelev

du som var student

du som var snikkar

du som var servitør

du som var lærar

du som var professor

du som var bonde

du som var sjåfør

du som var smed

du som var politi

du som var tømrar.

Alle måtte vera med.

Men hadde dei eigentleg

lyst

når dei tenkte seg om.

Dei som krigen

gjekk ut over

fekk ikkje tenkja

seg om.

Me tenkjer på deg

kjære deg.

(ABM 09.04.2014)