Barna tenkjer -så lenge det varer

I dag skriv eg eit dikt som eg laga i 1984, midt i den kalde krigen. Det høver desverre i dag også.
Diktet byggjer på ei verkeleg hending i klasserommet mitt i 1977.

No kan de skriva eit dikt

om før og no,

sa eg til barna.

Ein gut som var elleve år,

kom gledestrålande 

fram til meg.

Han hadde skrive:

Før laga eg

første verdskrig.

No har eg slutta 

med det.

Eg sa til han:

Du har vore ein flink gut.

Etterpå sat eg bak det 

trygge katetret mitt,

og tenkte ein augneblink

med meg sjølv.

(ABM 1984)