Apropos 1.mai

Sundagsstille i varme

gater.

Solver og ljos langs den

blanke sjøen.

No siglar eg fredfullt i

djupraudt og iskaldt

krater.

Langt der inne finn

du meg att.

Eg og far min og

bror min på bøen.

-Det gjer me i

morgon

sa faren vår då.

Mat til dyra

til vinteren så.

Tungt og slitsomt

for reina er bratt.

Men det er me

van med i langan

tid.

I generasjonar var

dette verda

mi.

Så reiste eg ut

til det forjetta

landet,

eller til Oslo

og Bergen for å

læra meg opp.

Det lange slitet

kunne me med.

Det berga oss

mange gonger det.

Slik gjekk det

framover dag for dag.

Vegarbeidaren,

fabrikkarbeidaren

og læraren

på same lag.

Me trudde det ville

vara uendeleg lenge.

for me fekk arbeid

til alle og fritid,

og alle fekk læra

og alle sa du.

No er det tydeleg

at målet er nådd

for fjernsynet

melder at dei fleste

i talet

trur at 1.mai er ein

allminneleg dag.

Ein fridag å sysla

i solvarme gater,

på bøen,

i solver og ljos

på den blanke sjøen. 

(ABM 02.05.2014)