Den lange vegen

I avisa i dag les eg at

tredjeparten av folket

i Syria er flyktningar.

I dag har eg fiska

middag i Langenuen,

Og eg har gått på

rulleski til Jektevik.

Om ei veke er det val.

Politikarane er usamde.

Men eg er ikkje uroa.

Etterpå deler dei litt og

blir samde med kvarandre.

Og eg kan fiska i Langenuen

og gå på rulleski til

Jektevik.

Men det har vore

 ein lang veg å gå.

Frå Harald Hårfagre

og til no. 

(ABM 03.09.2013)