Heile året

No har eg leika meg

i tre hundre og seksti

dagar så.

Skrive eit dikt kvar dag.

Eg har brukt orda lag på lag.

Og skildra alt det eg

tenkte på nå.

Om dagar og livet

i lette og tunge drag.

 

Utanfor vindauga

blømer rosene i dag.

Den vesle spurven

smiler til meg

og svalene flyg imot

varmare land.

 

(ABM 30.09.2014)

 

Ver med meg i kveld

Skuggane strekkjer seg mot oktober nå.

Timane går sakte fram.

Skya over himlen mørk og grå.

Finn meg eit ljos å tenna på

i haustmørke natta då.

Gje meg ein tone frå fjorden blå

Lia og fjorden er meg så nær.

Gje meg ein tone, la bølgjene slå.

Djupt inni skuggen av strendene då.

Gje meg ein tone frå fjorden i kveld.

(ABM 29.09.2014)

Tenk om

Eg siktar meg inn på

den gode dagen.

Eg møter fram med

eit venleg smil.

Eg kysser deg på

begge kinna

og ynskjer at

 du gler deg til

den gode dagen med

smil og glede.

Tenk om,

tenkjer eg.

(ABM 28.09. 2014)

friminuttet

den varme vinden

tåke og regnet

det er noko trygt

og godt der inne.

regnet mot andletet

det grå ljoset

du og eg

åleine

i heile den

vide verda

slik kjennest det

friminuttet

me lengtar etter

(ABM 27.09.2014)

Til dømes Havråtunet

Tidleg vårmorgon

i det gamle tunet.

Stilt og stussleg.

 

Når me såg

det gyldne ljoset

bakom fjella,

fyrte me i omnen

og laga oss mat.

 

Og så starta

den lange arbeidsdagen.

 

Er dette historia

om deg og meg

og alle dei andre

i dette landet.

 

Eller

gløymde eg noko no?

 

(ABM 15.01.07)

Den første frostnatta

Lån meg ei seng til å sova i

for no stundar vinteren til.

Lån meg ein pute å halda i

når frostnatta blir for vill.

Lån meg litt glede i kveld.

Gje meg ein tone frå fjorden blå

Lia og fjorden er meg så nær.

Gje meg ein tone, la bølgjene slå.

Djupt inni skuggen av strendene då.

Gje meg ein tone frå fjorden i kveld.

 (ABM 25.09.2014)

Etterord

Det Orwelske 1984 var her.

Det gjekk forbi.

Mens det gjekk forbi,

gjorde me vår arbeids dont

med lukka andlet.

 

Kanskje var det her trass alt.

Det vil me oppdaga i 1994

i 2004

eller i 2014.

 

Stivna andlet går forbi kvarandre

og snakkar og snakkar.

Og ingen møter deg nokon gong

med åpent andlet og auge med botn i,

og med mysteriet der inne.

 

(ABM 1985)

Historia er her

Signalelden brenn

på Tyfjellet.

 

elle – melle –

 

Ta med det du skal

Og spring

 

deg – fortelle –

 

Mat og våpen

Pilar og spjut

 

skipet – går –

 

Skjold og hjelm

Øks i handa.

 

ut – i – år –

 

Alle står med naustet

Ut med båten

 

rygg – i – rann

 

Last om bord

 

to – i – spann

 

Still opp her

 

snipp – snapp – snute –

du – er – ute –

 

Ute gå no heim-

Du spring opp i båten.

Fienden kjem snart.

 

(ABM 23.09.2014)

 

God jakt eller diktet om livet i livet

                   

                   Det er lys                                                                   Endåtil

                   som eg                                                                        midt i

                   kanskje ikkje såg                                                      eller bitte litt

                                                                                                       ein eller

                                                                                                       annan stad.

                                                                                                       Leit etter det

                  (ABM)                                                                         før du går. 

konserten

 

eg høyrde konserten

med Leonard Cohen

i går

 

han snakkar til meg

til meg åleine

om uroa

livet

den attlatne boka

om ein ofra generasjon

mordarane går

frie omkring

 

det fælslege

og det gode

 

og Leonard Cohen

syng for meg

min kjære

syng om livet

og om oss.

 

(ABM 21.09.2014)

Den gode dagen

Eg er ni år.

På kaien søndag

føremiddag.

Fjordabåten

fer framom.

 

Eg har den lange

dagen framfor  meg.

Mange ting

som berre eg

veit om.

 

Kameratane mine

ropar på meg.

Eg teier heilt still.

Denne freda dagen

vil eg ha heilt

for meg sjølv.

 

(ABM 20.09.2014)

Det er berre slik, sa me

Dei grå dagane

og dei lyse dagane

skifter.

 

Endåtil

når fjella og skogane

er mørke.

 

Kan himmelen skina

i dei klaraste fargane.

 

(ABM 1999)

 

 

 

Likevel 

Kanskje var det

kuldegrader i natt.

Lauvet på trea

er blitt gult og gammalt.

Ein fugl flyg forbi

hyttevindauga. 

Travelt. Travelt 

Samlar han seg

til vinteren

eller dreg han til

varmare land. 

Årstidene kjem og går 

Likevel 

Det er godt å tenkja

på det

mens eg står her

og lagar frukost.

(ABM 18.09.2014)

kandelabre

kandelabre

sa dei

og såg alvorleg

på meg

eg var åtte år

kandelabre

sa eg

kandelabre

sa eg

dei smilte til meg

du er ein flink gut

likevel

eg visste ikkje

kva kandelabre

var før eg var

tjueein år 

(ABM 17.09.2014)

Lukkehjulet snurrar rundt

I dag snurrar

lukkehjulet

til ein ny dag.

Underleg.

Eg sit

i gamle

Moster kyrkje

dei tjukke veggane

den gamle soga

og eg var der.

Eg trur eg vil

kjøpa meg ein benk

i Moster kyrkje.

Så vil eg sitja der

og tenkja på

 ingen ting.

Heile historia

kjem fram i det inste

skulder ved skulder.

Den vonde

og den gode.

Eg er ikkje redd

når eg sit heilt i ro

i benken min

i den gamle 

Moster kyrkje.

(ABM 16.09.2014) 

Det nye lyset og forventningane

Den første aninga av lys

over himmelen.

Lyset speglar

sjøen og 

dei høgaste punkta

i landskapet.

Slik er det alltid.

Lyset og den nye dagen

finn du i speglingane

over himmelen.

Slik er det også med

meg og deg

og alle dei andre.

Det nye lyset, livet

og forventningane

finn fram til oss. 

(ABM   25.09.06)

Verda vert mindre, men mennesket er seg sjølv lik

I dag lurer eg på

kvar mennesket er

det humane

det gode

det mennesket som

viser glede og respekt

for andre.

Kvar har dei det frå

dei som drep og

øydelegg folk

kva gudar ropar dei på

ingen eg har høyrt om

i alle fall.

Eg trur guden deira er

maktbegjær

og pengar. 

(ABM 14.09.2014) 

Ei lita oppmuntring til deg og meg

Rosene blømer

i hagen i kveld.

Ei rosa, ei kvit

og ei raud.

Dei strekkjer seg

opp i lufta på ny

endå hausten

er langt på veg.

Dei vert nok skuffa

 og lei seg

når kulden kjem.

Dei sovnar

for vinteren

utan å kny.

Men det veit eg

langt

i det inste i meg.

Til våren reiser

dei seg på ny. 

(ABM 13.09.2014)

Livet ruslar og går

Litt hjartebank

er god å ha

når hjorten

stig på myra

når fisken bit

på snøret

når skuggane

vert lengre og

natta stundar til

når tankane

er mange og

virrar rundt

om kring

når du og eg

er saman du kjære

venen min. 

(ABM 12.09.2014)

Eg kjem om kvelden

Til slutt reiste

eg heim att.

Det vide

havet.

Dei skummande

bølgjene.

Dei mørke bratte

liene.

Likevel.

For bortanfor

havet

skimta eg

lyset

om noko

anna.

Forventning.

Kanskje var det

Dette eg sakna ute

i den store verda 

(ABM 08.02.11)