Hinsides alt tenkeleg

I fleire dagar har

den inste i meg

starta opp med:

Historia fortel

at menneske

som trur dei trur

på noko kan gjera

ting hinsides

alt tenkeleg.

Som døme

kan eg nemna,

seier den inste.

Kan eg ikkje få

sleppa no,

seier eg.

Eg orkar ikkje

alt det grufulle,

seier eg

og skuvar

den inste unna.

Eg gjev meg ikkje,

seier den inste.

Og til slutt

høyrer eg på

for å få fred.

Det grufulle

og det heroiske.

Kva som er kva

veit ikkje eg.

 (ABM 12.08.2014)