Fridom er ein flyktig tanke som me må fanga kvar dag

Nicaragua 1984. Sandinistane har vanskar.

-Doria Maria Tellez. Folket og fridomen 1979.

I grunnen var eg oppteken med andre ting

og høyrde med eit halvt øyra.

-Men nå har Contras framgong att, seier dei.

Dei leiger soldatar og skal knusa sandinistane,

fridomen og folket.

Og så bildet: Leigesoldatane

eller dei som trur på guden sin eller liknande

drep for fote.

Dei tener pengar

dei smiler og snakkar mens dei døde ligg der.

Og hytta brenn.

Leigesoldatane tener pengar.

Dei som leiger leigesoldatar må jo                                                          

tena pengar når dei kan leiga så dyre ting.

Dei som støttar og hjelper dei som leiger

leigesoldatane tener heilt sikkert pengar.

Og me som sit i den gode stolen vår

 og får forklart dette,

vert irritert mellom kaffikoppen og sportssidene.

-Lea Guido, Gloria Carion, Nora Astoria Jenkins

og alle andre fattige og undertrykte i Nicaragua

og alle stader

veit at fridom må me fanga kvar dag

Doria Maria Tellez og alle andre som veit det

gje oss den rette opplæringa før det er for seint. 

(ABM 1984)