V Barna er berre med på kjøt og flesk

Dei seier opptrapping.

Mellom supermaktene

seier dei på TV.

Og så viser dei eit krigsskip

som kjører siksak på havet

og skyt med store kanoner.

Så ser me ein tank som

"fyrer laus på fiendtlege stillingar".

Og så ser me eit lite barn

som sit midt på ein støvete

 veg.

Militærkjøretøya svingar utanom.

Barnet gret

og held ei fillete dokke tett

inntil brystet sitt.

Angsten grip meg

i min gode stol.

Hjarta knyter seg

og raseriet flammar gjennom meg.

Men så er tippekupongen neste innslag.

Oj, oj, har eg kanskje vunne

det store lodd.

(vi knuser våre bilde 1984 ABM)



U Småsoge

Det er ikkje alltid like lett å styra

Kapteinen stod på brua og såg ut over riket sitt.
-Klar med  livbåtane, roper kapteinen.
-Kvfor det? spør statsministeren.
-Båten står alt på havsens botn, kanskje livbåtane flyt opp.
sa kapteinen.

(vi knuser våre bilde 1984 ABM)

U Dei to andleta

Opplæringstida er slutt no.

Andletet ditt er meisla

slik at du lever livet ditt

til du døyr ein gong.

Augo dine er faste og tomme,

munnen din er ein strek

med automatisert åpne- og lukkemekanisme og

strekane i kinnet ditt er festna.

Og så går du bort i livet ditt og gjer det du må.

Det andre andletet ditt finst ikkje lenger.

Læreplanen i livet og i skulen arbeider saman

om å få det bort.

Du har mist det andre andletet ditt.

Det som vender seg mot meg - åpent, nake og

forsvarslaust.

Munne mjuknar og strekane viskar ut

alt du har lært,

slik at du møter meg og fangar mysteriet saman.

(vi knuser våre bilde 1984 ABM)

U Mørke kan vera ein god ting

Den eine kvelden i året -

eller kanskje kvart femte -

når fløyelsvarmt haustmørke

og du ligg innmed berga i båten din

alt det stille og mjuke

tislar og taslar

legg seg til ro rundt deg

lever i deg

gjer deg innovervend og egoistisk

likevel lengtar du etter denne stunda

desse totale sekund

etterpå kan du leva med alle dei andre

(vi knuser våre bilde 1984 ABM)

T Småsoge

Dei opplever kvar sin song
Songaren og jenta hans har funne lukka saman.
-Eg skal laga ein song om kor godt eg har det saman med deg,
sa songaren.
-Den blir populær, sa jenta hans.
-Det blir ein hit, sa songaren.
-Og så kan eg skriva ein song om kor godt eg har hatt det med deg.
sa jenta hans.

(vi knuser våre bilde 1984 ABM)

T I regn

Eg såg du var våt i håret då eg skulle gå.

Eg følgde dropane langs kinnet ditt.

Eg smilte med attlatne augo

då me blanda tårene

før eg gjekk

i regn.

Leit ikkje etter meg når eg har gått.

La andletet ditt kvila mot mjukt regn.

La tårer i regn flyta saman

til du gløymer augo mine.

Så går du inn

og let dei varme vindane

tørka andletet ditt.

(vi knuser våre bilde 1984 ABM)

T Like før regn

Fargane glir mot skimmer i blåe tonar.

Trea søv med nakne greiner.

Lyden av sko mot sand

heng i stum luft.

Handa di er tørr

augo dine opne

tankane luter mot første dråpen

like før regn

(vi knuser våre bilde 1984 ABM)

(Dette diktet er det sett tone til)

S Forandringar er farlege, særleg til noko betre.

La natta vara.

La mørket vera svart.

La tankane vera urolege

så eg kan sjå andletet ditt.

Gje meg tanken din,

gje meg orda dine.

Gje meg di urolege ånd

når tankane dine er farleg snille.

(vi knuser våre bilde 1984 ABM)

S Småsoge

Det er fint eller stygt ver i dag, sann.

Den unge guten og den unge jenta sat på ein benk i parken.
-Det er fint ver og barna leikar i parken, sa den unge guten.
-Det er koseleg med barn, sa den unge jenta.
-Men trea har vorte store og ville. Det er ei skam, sa guten.

(vi knuser vår bilde 1984 ABM)

S Stengd veg

Ut av dette er stengd veg.

Armane mine er kraftlause

føtene mine er trøytte

tankane mine i floke.

Gje meg din arm

stø meg

gje meg din varme

grip meg.

Men ut av dette

er vegen stengd

likevel

(vi knuser våre bilde 1984 ABM)



S Kaldt

Eg møter deg kvar morgon med kalde augo.

Dine imot.

Mange møte kvar dag - slik.

Så snakkar me om ingenting

med bortbende andlet.

Me veit om alt.

Når vonde ting vert sagt

berre auga mot auga,

så les me i kvarandre om gode ting

me ikkje kan.

(vi knuser våre blide 1984 ABM)

R Småsoge

Barnet hadde ingen å leika med, vel?

Ein klovn og eit lite barn var på sirkus.
-Kan eg få fanga deg? sa det vesle barnet.
-Kvifor det? spurde klovnen.
-Eg vil ha deg med heim og leika med deg, sa det vesle barnet.

(vi knuser våre bilde 1984 ABM)

R Smilet

Du smiler

narr

når augo er som is

med samanbitne tenner

møter du dagane

du er overkøyrd

narr

med lutande skuldre

men trekk leppene tilbake

og smil

(vi knuser våre bilde 1984 ABM)

R Av og til er me altfor kloke

Eg tenkte at hjernemennesket i meg

og dei logiserte tankane mine

var det tryggaste.

Eg vende meg inni meg sjølv

og trudde eg var klok.

I dei kalde dagane gjekk det bra.

Men om nettene når eg sov,

var eg forsvarslaus.

Eg vart heimsøkt av eit anna liv.

Då gjekk eg til deg og sa alt

som hjernemennesket hadde nekta meg.

Etterpå kokte eg kaffi

og var kry av meg sjølv.

(vi knuser våre bilde 1984 ABM)

R Ord som blei sagt

Ord gjennom lufta.

Mørke, forvirrande.

Kjenner me dei?

Kjenner me dei att i morgon?

Dei skal forma framtida vår.

Ord me ikkje kjenner

kvarandre att i.

(vi knuser våre bilde 1984 ABM)

R Kanskje, eller kanskje muligens

Me møter kvarandre ein gong,

kanskje når du ikkje anar.

Og så står me der

med valet i hendene våre.

Tenk om me vel rett då

og får eit godt liv.

Eller tenk om me gjer feil.

Kven får då eit godt liv,

kanskje nokon andre som me ikkje tenkte på.

Eller kanskje ingen.

Livet er vel i grunnen mange

muligens eller kanskje,

kanskje er livet fullt av det,

muligens er det det som er livet.

Men eg fann aldri svaret i ei bok.

Eg måtte gå ut og stira livet rett i auga.

(vi knuser våre bilde 1984 ABM)

R Møte

Eg venta å møta deg.

Heile tida.

Eg har visst det alltid.

Du og.

Auga imot.

Angen av parfymen din

hang igjen i

Saueskinnsjakken min

til neste dag.

(vi knuser våre bilde 1984 ABM)

Q Logikk

Gå ut i dagane med kalde augo.

Du tenkjer, skyv ifrå.

Møt berre ikkje dei andre.

Då vil den rettlinja sjela di mjukna

og tankane i floke.

(vi knuser våre bilde 1984 ABM)

Q Når mørket er midt på dagen

Når mørket er midt på dagen

når blomen lukkar kronblada sine

når fuglane teier isamankrøkt

når havet ligg stumt og dødsvart

når skyene glør

og når stjernene opnar imellom

(vi knuser våre bilde 1984 ABM)

P Virvel

Lyset brenn ned.

Det blafrar sakte i luftning

frå to frosne sjeler

som uendeleg lydlaust og stilt

møter kvarandre

som i ein virvel

mellom stjerner

(vi knuser våre bilde 1984 ABM)

P I vår framtid

Når borgarfreden bryt laus

er det -

er det ikkje -

nokon her.

Amen.

(vi knuser våre bilde 1984 ABM)

O Rustningskappløpet er i grunnen ein god sportsprestasjon

Når rustningskappløpet er slutt,

er det så mange våpen

at det ikkje er plass til fleire.

Så ventar me på at ei elektronisk datamaskin

eller eit maskinmenneske

skal gjera ein liten feil

-sånn som me alle gjer av og til-

Når den første atombomba eksploderer,

skjer resten automatisk.

Då trykkjer knappane seg sjølve

både hjå oss og alle dei andre.

Dei som trykkjer fortast, vert sist utsletta.

Etter nitide utrekningar vil dei snøggaste

leva i gjennomsnitt 14.2 sekund lenger enn dei andre.

Heile rustningskappløpet galdt altså

kven som skulle nyta godt av

desse i gjennomsnitt 14.2 sekund.

I mitt førtiande år sprang eg 100 m på 14.2 sekund.

Eg tykte det var ei kort tid.

(vi knuser våre bilde 1984 ABM)