Ord i dag 29.08.2018

Eg eig ikkje tida.

Eg låner berre

eit lite sekund.

 

Eg eig ikkje jorda.

Eg låner berre ein liten bit.

 

Eg eig ikkje deg, min kjære.

Berre ei lita stund,

er me saman

her på jorda,

du og eg.

 

Alt som me låner,

må me ta oss i vare

og gleda oss over,

kvar einaste dag.

 

Alt som me låner

skal me gje vidare snart.

Til dei som kjem etter.

 

Eg lurer litt på i dag,

-med all redsel og gru

rundtomkring-

om dette er noko me greier.

(ABM 29.08.18)