det er ikkje meir som skal til

 

eg ser fargane

kvite og svarte

vinteren stundar til

 

eg ser det på

det kalde ljoset

den skinande fjorden

dei mørke berga

og dei kalde grå

skyene

 

eg ser det langt

inne i det

inste i meg sjølv

mørket stengjer

og grinda er stengt

 

likevel

 

eg leitar etter

det ljose glimtet

som gjev von

om at våren

kjem ein gong

 

førebels

ventar eg

og ventar

på betre dagar

utan krig og gru

 

då skal eg teikna

ei skinande sol

og ljoset som

hopar seg opp

 

(ABM 23.02.2016)