16.september 2016

21.6 grader celsius kl 22

den varme lufta

vaker rundt meg

omsluttar meg

blomane og alt

som er i hagen vår

 

tenk om me kunne

sitja i det varme

mørket

og snakka om

alvorlege ting

 

du og eg og alle

 

sitja der og sei

at no er det slutt

på alt vondt

 

hjelpe meg

21.6 grader celsius kl 22

i hagen vår

 

(ABM 16.09.2016)

Folket ved fjorden

Når politikarane no vil slå saman tre fylke på Vestlandet, må dei spørja kystfolket kva dei meiner. Eg skreiv eit dikt om dei i 2005. 

Eg tenkjer på det.

Husa var småe

og berga var bratte

og det var langt ut.

 

Men det er sjøen

og fjorden og havgapet

eg hugsar.

 

Og så alle folka.

 

Dei var der.

Alltid.

 

(ABM 22.11.05)

synd at det gjekk slik

det var ein god dag

eg spelar piano

 

dei henta meg

og eg spelar piano

 

i den fullsette salen

sette eg meg ned

fingrane flaug over

dei svarte og kvite

tangentane

 

lydlaust

i lause lufta

 

(ABM 14.09.2016)

Det er noko med det

         

                                                       Regnet siler jamt og trutt,

                                                       for no er hausten nær

                                                       Men brått ein dag er sola her

og ljoset glitrar over sjø og land

 

Vestlandsveret skifter snøgt

og gjer meg både tung og lett i sinn.

Slik formdest me langs kysten min

i tusenvis av dagar, månader og år.

 

Og når eg reiser langt av stad

til tørre, varme, gode land

langt borte frå mi strand.

 

Om ikkje lenge sturer eg

og lengtar heim til fjordane

der regnet siler jamt og trutt.

(ABM 05.09.2016)

tida går

tida går

villblomen min

strekkjer seg

opp og opp

mot ljoset og sola

 

i dag også

med kronblad og

blomar og alt

 

no er det vinter

snart

og villblomen min

visnar

sakte og sikkert 

(ABM 07.09.2016)

Tenk om

Lat oss sitja saman

ei lita stund

og dela angsten med

kvarandre 

Tenk om

eg ei kveldstund kan

setja meg ned og tenkja

på gode ting. 

Tenk om

krigane i Syria, Afghanistan

og alle stader

er slutt. 

Tenk om

krigsherrar og utbyttarar

legg tankane og ideane sine

på hylla. 

Tenk om

alle menneske har mat,

klede og husrom

og barna går på skulen.

 

Då vil eg sitja

ei kveldstund

og mala ei skinande sol

og lyset som hopar seg opp.

 

(ABM 06.09.2016)