La draumen leva inne i oss i det nye året.

Lag meg ei skute i dag 

Lag meg ei skute for framande land.

Gje meg litt vind på turen.

Så vitjar eg alle der eg fer fram.

God dag og guds fred  kvinne og mann.

Gje meg litt vind på ferda.

 

Gje meg ein tone frå fjorden blå

Lia og fjorden er meg så nær.

Gje meg ein tone, la bølgjene slå.

Djupt inni skuggen av strendene då.

Gje meg ein tone frå fjorden i kveld.

 

(ABM 20.07.2014)

I dag får du diktet som eg skreiv på julekortet i 2015 som eg sende til slekt og vener.

Jul 2015

 

Julehelsing                             

No stundar det til jul igjen.

Desember kald og grå.

               

Me ynskjer deg ei god og signa jul.                              

Med gåver, kaker og litt ekstra til dei små.

Med høge stjerner, månen ny og gul.                     

Og så det signa nye året då.

 

Då kan me starta om og tenkja litt på ny.                     

Eit skifte mot det betre får me tru.

For deg og meg                                                    

og alle dei som ikkje finn seg ly.

I dette nye året

kan me dela litt av redsla deira

-eg og du-

(ABM 09.12.2014)

Oktober

Det mørknar mot oktoberkveld

ein stad langs svarte stranda.

 

Me sit heilt still i båten vår

i natta mørk og grå.

 

Mens lyset over himlen sakte går

frå her til alle landa.

 

Eg tenkjer på at du ser same lyset nå

langt langt borte herifrå. 

(ABM 19.10.2015)

Tonen min

Gje meg tonen frå fjorden blå

Lia og fjorden er nære meg nå.

 

Eg diktar om bølgjer og sjø og strand.

Drøymer meg bort til framande land.

 

Gje meg ein tone, la bølgjene slå.

Djupt inni skuggen av strendene då.

Gje meg tonen frå fjorden i kveld.

 

(ABM 27.07.2014)

Rehabilitering

 

Eg prøver i dag også.

Går eitt steg om gongen.

Ljoset og våren

er på veg.

 

Nokre steg til.

 

Kvitveisene

og det blendande

ljoset utover sjøen.

 

Så er det stopp.

Smertene riv og slit.

 

Den same vegen

attende.

Eitt steg om gongen.

No må eg heim.

Blomane og ljoset

ventar til eg kjem att.

 

(ABM 08.04.15)

Smertene og draumen i meg

 

 

Du finn meg

bakom smertene

ein stad.

 

Eg stengjer deg ute

og seier til meg sjølv:

-Du tomme meg.

Du finn meg ikkje

i dag heller.

 

Eg tenkjer berre

på dei slake

liene langt bakom

opp til det slette

vide fjellet.

 

Der kan eg stå

og pusta inn

den gode dagen-

 

tenk om

tenkte eg.

 

(ABM 07.04.15)

 

Skandelabre

 

Kva tenkjer eg på

når eit slikt ord

dukkar fram

frå det inste

i meg sjølv.

 

Knaskje er det

innsikt frå ei anna tid.

Bakom meg sjølv

og inni noko eg

aldri har høyrt om.

 

Kanskje kjem nokon

og ropar skandelabre

og eg veit.

 

(ABM mars 2015)

Versågod

 Eg fekk eit ord

ein blyant

og ei bok.

 

Så lærte du meg

å skriva ordet

og lesa det

i boka.

 

Så lærte du meg

eitt ord til

og mange

-Versågod,

sa du.

 

Eg fekk meg

ikkje til å

sei takk.

For eg visste

ikkje kva du

hadde gjeve meg

før lenge etterpå.

 

(ABM 05.02.2015)f

Sommarfuglen

I år også kjem

du utan varsel.

 

Eg sit i stolen

min i sola

og ventar på

sommaren.

Brått flagrar

du fram.

Gul med svarte

flekkar.

Att og fram

hit og dit.

 

Eg følgjer deg

med augo mine.

 

(ABM 04.02.2015)

Valet er ditt

eg såg innover

den lange lia

skogane

den bratte fjellsida

og fjella

langt der borte

 

eg var fri til å gå

der eg ville

beint fram

til side

eller klatra

opp det bratte

berget

 

eg klatra opp

den bratte

fjellsida

 

langt der oppe

kom eg til ei

fjellhylle

 

eg sette meg der

eg såg langt

innover

 

kanskje reiser

eg meg og

klatrar vidare 

 

ein av dagane

 

kanskje går ned att

 

kven veit 

(ABM 03.02.2015)

Billeggsal

Eigentleg er eg

trøytt og lei.

 

Ingen snakkar

til meg i dag

heller.

 

Ingen spør

korleis det går.

 

Ingen ser meg.

 

Eg trur eg set meg

ned i den store

butikken

og sel meg

til halv pris.

 

Tru om nokon

vil sjå på meg då. 

(ABM 01.02.2015)

Sachsenhausen

-Kva blomar er det,

spurde eg.

-Villroser,

svarte du.

 

Etterpå gjekk me

nedover

dei lange liene.

Mot havet.

 

Hand i hand,

kjære deg. 

(ABM 28.01.2015)