Hausten og den nye våren

  

Dei første

frostnettene.

Den klare

morgonlufta

og dei

 flammande

 fargane.

Forandring

sa dei

mot vinteren.

Men eg ser berre

den nye våren

i det klare

kalde lyset

og i det

gulbrune

gnistrande

lauvet

 på bjørketrea.

(ABM 1995)

KANSKJE - når du kjem attende

Det er rim

på stråa

langs strendene.

Båten ligg

på land.

Hausten og den

stille tida

med frost inni.

Det er ikkje

godt å vita

kvar sommaren

og den gode

varmen er.

Kanskje har du

den lyse

sommarmorgonen

med deg attende

når du kjem.

(ABM 1984)

God jakt - eller diktet om livet i livet

Det er lys

som eg

kanskje

ikkje såg

Endåtil

midt i bildet,

eller bitte litt

ein eller

annan stad.

Leit etter det

før du går.

(ABM 1999)

Det er berre livet det, sa dei

Dei rare skyene.

Ferja og havet.

Eventyret var

alltid der.

I skyene.

Dei skiftande

i tallause

 former.

Og i havet

og langs strendene.

Alt i alt.

Før og etterpå.

Finn du meg

der ein stad.

(ABM des. 1995)

Tidleg morgon ved havet

Fiskarane kom

inn med fangsten.

I dag er dei her.

Ein annan morgon

er dei borte.

Då er det berre

dei varme vindane

og dei blå fargane

langs strendene ved havet.

(ABM 16.01.11)

Arne 21.10.08

Eg sat og malte på

dette bildet.

Då kom Ragnhild

og sa:

Arne er død.

Arne, hugsar du

den gongen du og eg

kom over høgda frå

Turlagshytta og såg

ned over Furudalen.

Det var mørkt

og den første snøen

låg på trea og

oppetter liene.

Me snakka lenge om

mørkret, lyset og

om forandringane.

Sommaren og hausten 

er slutt no,

sa du.

Men eg ser den

nye våren

i lyset

bakom fjella.

(ABM 2008)